Geseënde Kersfees

'n Geseënde Kersfees en mag al jou drome waar word in 2012.

Michaél, Alexander, Zinnia

Ek het Michaél, Alexander en Zinnia leer ken as babatjies. Ek kan nie glo hulle het so vinnig groot geword nie. Ons het so 2 weke gelede langs die rivier gaan foto's neem, wat na goeie reën redelik vol was. Glo vir my, jy moet jou storie ken met hierdie tweeling!

My gunsteling foto. Gelukkig is ma Minette 'n goeie atleet, want sy moes oral keer

'n Seuntjie . . .

Ek was deel van Chris en Marli se ooievaarstee verlede Saterdag en wat 'n spesiale geleentheid was dit nie - mans en kinders het almal saam gekuier! Dit sal die familie se eerste kleinseun wees. Weet nie hoe gaan hy voel tussen die sussies en niggies oor 'n jaar of wat nie. Marli se ma, haar twee dogters en twee niggies het 'n spesiale vertoning gehad en het Saidi (ongeveer 20 maande oud) dit geniet!

Andries, Mari, Christelle, Stephan

Ons het so week gelede 'n fotosessie saam Andries, Marie en die kinders gehad terwyl hulle nog 4 lede in die gesin is. In Desember arriveer daar 'n laatlam boetie waaroor almal baie opgewonde is. Mari, sterkte vir die laaste ongeveer 6 weke. Jy lyk ongelooflik goed en ek dink jy is ontsettend dapper!